Евросиё Иқтисодий Иттифоқи (ЕОИИ) суди Россияда мажбурий тиббий суғурта (МТС) тизимини тартибга солувчи ҳужжатларга кўра, мамлакат расмийлари мигрант ишчиларнинг оила аъзоларига автоматик равишда полис беришга мажбур эмаслигини тушунтириб берди. Суд бу позицияни Қирғизистон Адлия вазирлигининг мурожаатига жавобан тақдим этди, деб хабар беради 24.kg суднинг маслаҳат хулосасига таяниб.
Таъкидланишича, ЕОИИни ташкил этувчи шартномада ижтимоий таъминот ва тиббий ёрдам олиш ҳуқуқи алоҳида тоифалар сифатида ажратилган. Шу билан бирга, Россияда ишлайдиган чет элликлар оила аъзоларининг тиббий хизматлар олиш ҳуқуқлари алоҳида шартномалар ва протоколларда мустаҳкамланган.
Суднинг фикрига кўра, ёрдам кўрсатиш тартиби ва кўламини тартибга солувчи қоидалар мигрант ишчиларнинг оила аъзоларига мажбурий тиббий суғурта механизмларини автоматик равишда қўллашни назарда тутмайди. Бу ёндашув иттифоқ мамлакатларидаги ижтимоий таъминот ва тиббий суғурта моделларидаги фарқлар билан боғлиқ. Хусусан, Россия Федерациясида тизим бюджетга асосланган ва суғурта асосида ишлайди, бошқа мамлакатлар эса аралаш тизимдан фойдаланадилар ва баъзиларида мажбурий тиббий суғурта умуман йўқ. Ушбу механизмлар учун махсус қоидалар ҳар бир ЕОИИ аъзосининг суверен ҳуқуқи бўлиб қолади.
Бироқ, суд ҳайъати таъкидлаганидек, ЕОИИ ҳудудидаги мигрант ишчиларнинг барча оила аъзоларига шошилинч тиббий ёрдам кафолатланади.
Жорий йил январь ойида Қирғизистон ЕОИИ судига Россиянинг ташкилот аъзолари ўртасида имзоланган мигрантлар тўғрисидаги шартноманинг бир нечта қоидаларига риоя қилмаётгани бўйича даъво аризаси билан мурожаат қилгани маълум бўлганди.
Марказий Осиё республикаси вакиллари Москва Россия Федерациясида ишлайдиган аъзо давлатлардан келган чет элликларнинг оила аъзоларига мажбурий тиббий суғурта полисларини беришдан бош тортиб, юқорида айтиб ўтилган ҳужжатнинг 96-98-моддаларини бузаётганини тушунтиришди.
ℹ️ Арманистон, Беларусь, Қозоғистон, Қирғизистон ва Россияни ўз ичига олган Евроосиё иқтисодий иттифоқи тўғрисидаги шартнома 2014 йилда Остонада имзоланган ва 2015 йил 1 январда кучга кирган.
Асосий қоидаларга ушбу мамлакатлар фуқаролари Россия Федерациясида ишлаш учун патентлар ёки бошқа рухсатномалар талаб қилинмаслиги, иш берувчилардан хорижий ишчи кучини ёллаш учун рухсатнома олиш сўралмаслиги, таълим ҳужжатлари апостилсиз тан олиниши (баъзи касблар бундан мустасно) ва бошқалар киради.
Тиббий ёрдам кўрсатиш тўғрисидаги протоколда Евроосиё иқтисодий иттифоқи мамлакатларидаги ишчилар ва уларнинг оила аъзоларига суғурта қопламасидан қатъи назар, давлат ва шаҳар соғлиқни сақлаш муассасалари томонидан бепул тиббий ёрдам кўрсатилиши айтилган.
