Қурбон Бердиев . championat.com сайти фотосурати
Озарбайжоннинг «Туран Товуз» футбол клуби раҳбарияти россиялик-туркманистонлик мураббий Қурбон Бердиевнинг ғойиб бўлгани ҳақидаги маълумотни рад этди. Бу ҳақда жамоанинг Facebookдаги (РФда экстремистик деб тан олинган ва тақиқланган Meta корпорациясига тегишли тармоқ) расмий саҳифасида хабар берилган.
Жамоанинг 72 ёшли бош мураббийи гўёки Россияга жўнаб кетгани ва Озарбайжон клуби раҳбариятининг қўнғироқларига жавоб бермаётгани ҳақидаги маълумот 3 июнь куни Sport24 сайтида пайдо бўлди.
«1 ёки 2 июнь кунлари клуб раҳбариятининг бош мураббий иштирокидаги йиғилиши бўлиб ўтиши керак эди. Йиғилишда янги мавсум учун режалар тузилиб, янги жамоа тузиш бўйича қарорлар қабул қилиниши керак эди. Аммо мавсум якунида Россияга жўнаб кетган Бердиевдан ҳеч қандай хабар бўлмади», — дейилади нашрда.
Бироқ, 5 июнь куни «Турон» матбуот хизмати ушбу маълумотни рад этиб, ОАВ хабарларини «асоссиз ва ёлғон хабар» деб атади.
«Мавсум якунланганига қарамай, бош мураббийимиз Қурбон Бердиев Озарбайжонни тарк этмади ва клуб раҳбарияти билан кейинги мавсумга тайёргарлик бўйича режаларни амалга ошириш бўйича мунтазам равишда фикр алмашиб туради. Таъкидлаш жоизки, бош мураббийимиз билан шартнома амалда ва клуб раҳбарияти Қурбон Бердиевни янада шижоатли жамоа шакллантиришини ҳар томонлама қўллаб-қувватламоқда. Мухлисларимизни ва футбол ҳамжамиятини клуб нуфузига путур етказадиган янгиликларга ишонмасликка чақирамиз», — деб ёзади «Турон» матбуот хизмати.
Эслатиб ўтамиз, Бердиев ўтган йил июль ойидан «Турон»ни бошқарадиган бзлди. Жорий мавсумда Қурбон Бекиевич бошчилигидаги жамоа лигада тўртинчи ўринни эгаллади. «Турон»га бронза ва еврокубокларга 3 очко етмаган эди. Агар мамлакат чемпиони «Қорабоғ» Озарбайжон кубоги финалида ғалаба қозонганида, жамоа Конференция лигасига йўлланма олиш имкониятига ҳам эга бўларди. Аммо кубокни сенсацион тарзда россиялик мураббий Василий Березуцкий бошчилигида тўп сураётган «Сабаҳ» қўлга киритди. Бердиевнинг «Турон» билан шартномаси яна бир мавсумга мўлжалланган.
ℹ️ Қурбон Бердиев асли ашхободлик. Футболчи сифатида Ашхободнинг «Колхозчи» ва Олма-Отанинг «Қайрат» жамоаларида жуда муваффақиятли ўйнаган. 90-йиллари у икки марта Олма-Ота клубини бошқарган, Қозоғистон чемпионлигини қўлга киритган. Туркманистон терма жамоаси билан ишлаган. 2004 йилдан 2017 йилгача тўрт йиллик танаффус билан Қозоннинг «Рубин» клуби вице-президенти лавозимида ишлаган. Шунингдек, у «Рубин»ни бошқарган ва уни икки марта Россия чемпионатига олиб чиққан, бир марта кубок ва икки марта мамлакат Суперкубогини қўлга киритган. Бердиев бошчилигида илк бор «Ростов» Россия чемпионатининг кумуш медалини қўлга киритган ва Чемпионлар лигасининг гуруҳ босқичига йўл олган.
У 2021 йили «Қайрат»га Кузатув кенгаши раиси маслаҳатчиси сифатида қайтган, кейин эса жамоанинг асосий таркибини бошқарган. Унинг қўл остида «Қайрат» мамлакат кубогини қўлга киритди ва илк бор еврокубокларнинг гуруҳ босқичига йўл олди. Унинг қўл остида олмаоталиклар Қозоғистон чемпионатининг бронза медалини қўлга киритишди.
2022 йил июнь ойида мазкур клубни тарк этгач, у Эроннинг «Терактор Сази» клубини бошқарган ва у билан олти ойдан кам вақт ишлаган. 2022 йили декабрида «Сочи» ФК бош мураббийси этиб тайинланган, лекин шу йил апрель ойида мураббий билан тузилган шартнома бекор қилинган. Бердиев Махачқалъанинг «Динамо»сини қабул қилиб, у ерда 2024 йилнинг февралигача ишлаган ва «соғлиғи туфайли» жамоани тарк этганди. Бир неча ойдан сўнг у Озарбайжоннинг «Турон» жамоасини бошқарди.
