Сердар Бердимуҳамедов. turkmenportal.com сайти фотосурати
Туркманистон Вазирлар Маҳкамасининг кенгайтирилган йиғилишида ҳукуматнинг биринчи ярим йилликдаги фаолияти якунларига бўйича президент Сердар Бердимуҳамедов бир қатор юқори мартабали амалдорларни ишдан бўшатди. Бу ҳақда «Туркменистан сегодня» хабар берди.
14 июль куни «Фаолиятидаги жиддий камчиликлари учун» деган сўзлар билан қуйидагилар ҳокимлар лавозимидан озод этилди:
👉 Ахал вилояти раҳбари Язмуҳаммед Гурбанов, унинг ўрнига шу вилоятдаги этраплардан (туманлардан) бирининг ҳокими бўлиб ишлаган Ровшен Хўжагулиев тайинланди;
👉 Мари вилояти ҳокими Довранберди Аннабердиев, унинг ўрнига Бегенчмират Оразов тайинланди.
👉 Болқон вилояти ҳокими вазифасини бажарувчи Ж.Аннаевнинг маърузасидан сўнг президент ушбу вилоятга аввал Ахал вилояти ҳокими ўринбосари лавозимида ишлаб келган Хўжамират Аширмиродов тайинланганини маълум қилди.
👉 Тошҳовуз вилояти раҳбари Назармират Назармиродов бошқа ишга ўтгани муносабати билан эгаллаб турган лавозимидан озод этилиб, унинг ўрнига Ахал вилояти туманларидан бирини бошқарган Солтанмират Солтанмиродов тайинланди.
Қишлоқ хўжалиги ва атроф-муҳитни муҳофаза қилиш вазири Алланур Олтиев ва Энергетика вазири Хожимуҳаммет Режепмиродов ишдаги камчиликлари учун эгаллаб турган лавозимларидан маҳрум этилган.
Бундан ташқари, Сердар Бердимуҳамедов Қишлоқ хўжалиги ва атроф-муҳитни муҳофаза қилиш вазирлиги тугатилиб, унинг негизида Қишлоқ хўжалиги ва Атроф-муҳитни муҳофаза қилиш вазирлиги ташкил этилишини маълум қилди.
Биринчи бўлимга юқорида тилга олинган Назармират Назармиродов раҳбарлик қилди. Атроф-муҳитни муҳофаза қилиш вазири лавозими аввал парламентнинг атроф-муҳитни муҳофаза қилиш, табиатни бошқариш ва агросаноат комплекси қўмитасига раислик қилган Чаригелди Бабаниязовга берилди.
Энергетика вазирлигига келсак, уни ҳозирда собиқ вазир ўринбосари Аннагелди Сапаров бошқарган.
Ўша йиғилишда «ишдаги камчиликлар учун» қуйидагилар истеъфога чиқди:
▶️ Türkmenhimiýa давлат концерни раиси Ниязли Ниязлев, унинг ўрнига Ахал табиий газдан бензин ишлаб чиқариш заводи директори лавозимида ишлаб келган Доврангелди Сапбаев тайинланди;
▶️ Давлат товар-хомашё биржаси раиси Бегенч Чорев бу лавозимда аввал Давлат миграция хизматини бошқарган полковник Ботир Волсахатовга алмаштирилди. Подполковник Аманмуҳаммет Сазаков вақтинча миграция хизмати раиси вазифасини бажаради.
14 июль куни эълон қилинган бошқа ишдан бўшатиш ва тайинлашлар орасида Туркманистоннинг уч давлатдаги Фавқулодда ва Мухтор элчиларига нисбатан қабул қилинган қарорлар алоҳида ажралиб туради. Бошқа ишга ўтганлиги муносабати билан қуйидагилар эгаллаб турган лавозимидан озод этилди:
➡️ Грузиядаги элчи Довлетмират Муратов,
➡️ Ўзбекистондаги элчи Язгули Маммедов,
➡️ Тожикистондаги элчи Хемра Тогалаков.
Душанбедаги дипломатик миссияга аввал Туркманистоннинг Афғонистондаги (Ҳирот шаҳри) бош консули лавозимида ишлаган Аймират Ғочмиродов раҳбарлик қилади.
Тбилиси ва Тошкентга кимлар бориши ҳозирча маълум қилинмаган.
Шунингдек, бошқа ишга ўтганлиги муносабати билан Оразмухамет Аннабоев Туркманистоннинг Германия Федератив Республикасидаги (Франкфурт-Майн шаҳри) консули лавозимидан озод этилди.
