wp.com сайти фотосурати
31 март куни Тожикистоннинг Хўжанд шаҳрида видеоконференция форматида 500 кВ ли «Датка-Суғд» электр узатиш линиясини ишга тушириш маросими бўлиб ўтди. Бу ҳақда Қирғизистон президенти матбуот хизмати хабар берди.
Тадбирда Хўжандга амалий ташриф буюрган Қирғизистон президенти Садир Жапаров ва Тожикистон раҳбари Эмомали Раҳмон иштирок этди. Улар электр узатиш линияси лойиҳасининг муҳимлигини таъкидладилар: у икки мамлакат энергетика тизимини бирлаштиради, энергетика хавфсизлигини мустаҳкамлайди ва Марказий Осиёнинг барқарор ривожланишига салмоқли ҳисса қўшади.
Ишга тушириш олдидан икки мамлакат энергетика вазирлари объект тўлиқ тайёр бўлгани ҳақида маълум қилишди, шундан сўнг президентлар биргаликда кўргазмали тутқич ёрдамида лойиҳани ишга туширишди.
-
Тожикистон президенти матбуот хизмати фотосурати
-
![]()
2021 йилги маълумотларга эга харита. ВВС фотосурати
ℹ️ «Датка–Сўғд» электр узатиш линияси йирик минтақавий CASA-1000 лойиҳасининг бир қисми бўлиб, ёз ойларида Қирғизистон ва Тожикистондан ортиқча гидроэнергетикани Афғонистон ва Покистонга экспорт қилишга қаратилган. Тахминан 480 км узунликдаги линия қурилишининг тугалланиши минтақанинг энергетик хавфсизлигини мустаҳкамлайди, Марказий Осиёда барқарор ривожланишга ёрдам беради ва мамлакатлар ўртасидаги яхши қўшничилик муносабатларини яхшилайди, деб таъкидлайди Жапаров матбуот хизмати.
Лойиҳа доирасида Қирғизистонда 1243 та таянч устунлари ўрнатилиб, Жалолобод, Ўш ва Боткен вилоятлари орқали Тожикистон билан чегарагача бўлган 456 км узунликдаги электр узатиш линияси қурилди. Тожикистонда Қирғизистондаги Датка подстанцияси билан боғловчи 500 кВ Суғд подстанциясининг қурилиши якунланди.
