UEFA.com сайти фотосурати
Швейцариянинг Ньон шаҳрида Европанинг учта клуб турнири – УEФА Чемпионлар Лигаси, Европа Лигаси ва УEФА Конференция Лигасининг биринчи саралаш босқичига қуръа ташлаш маросими бўлиб ўтди. Қозоғистоннинг «Ордабаси», «Тобол» ва «Актўбе» жамоалари ўз рақибларини билиб олди.
Қозоғистоннинг амалдаги чемпиони Чимкентнинг «Ордабаси» Чемпионлар лигасининг биринчи саралаш босқичида Молдова чемпиони «Петрокуб» клуби билан тўқнаш келади. Биринчи ўйин 9 июль куни Чимкентда, жавоб учрашуви 16 июль куни Кишинёвда бўлиб ўтади. Мағлубиятга учраган ўзини Европа лигасида синаб кўради.
Қозоғистон кубоги ғолиби Қостанайнинг «Тобол» клуби Европа лигасининг биринчи саралаш босқичида Словакия кубоги ғолиби «Ружомберок» клубига қарши баҳс олиб боради. Биринчи ўйин 11 июль куни Ружомберокда, жавоб ўйини 18 июль куни Қўстанайда бўлиб ўтади. Мағлуб бўлган жамоа Конференция лигаси саралаш ўйинлари орқали еврокубокда иштирок этишда давом этади.
Қозоғистон чемпионати бронза медали совриндори «Актўбе» Конференция лигасининг биринчи саралаш босқичида Босниянинг тўртинчи кучли жамоаси «Сараево» билан иккита учрашув ўтказади. Биринчи ўйин 11 июль куни Актўбеда, жавоб ўйини 18 июль куни Сараевода бўлиб ўтади.
Ўтган мавсумдаги Қозоғистон чемпионати кумуш медали совриндори «Астана» ҳам еврокубокларда иштирок этади. У иккинчи саралаш босқичидан Конференция лигасидаги саёҳатини бошлайди.
