freepik.com сайти фотосурати
Қозоғистоннинг Атирау вилояти ихтисослаштирилган хўжалик суди ҳарбий амалиётлар қурбонларига гуманитар ёрдам кўрсатган «Украинага шон-шарафлар» фондини тугатиш тўғрисида қарор қабул қилди. Бу ҳақда Инсон ҳуқуқлари бўйича Қозоғистон халқаро бюроси (ИҲҚХБ) хабар берди.
Шундай қилиб, суд вилоят адлия бошқармаси даъвосини қаноатлантирди, дея таъкидлайди ташкилот.
ИҲҚХБ маълумотларига кўра, даъвогар фондустави қонунга тўғри келмаслигини таъкидлаб, бу қоидабузарликларни «тузатиб бўлмаслигини» таъкидлаган.
Фонд 10 августда рўйхатдан ўтган, аммо 25 август куни Адлия вазирлиги уни давлат рўйхатидан ўтказишни бекор қилиш тўғрисида даъво аризаси билан мурожаат қилган, дея таъкидлайди ҳуқуқ ҳимоячилари.
Фонд раҳбари Турарбек Кусаиновнинг ИҲҚХБга айтишича, унинг ташкилоти фаолияти давомида Украинага 5 миллион тенге (тахминан 11 минг доллар) миқдорида гуманитар ёрдам йиғиб жўнатишга муваффақ бўлган.
Россия президенти Владимир Путин 2022 йил 24 февралда Украинада махсус ҳарбий операция бошланганини эълон қилди. Март ойида Олмаотада Украинани қўллаб-қувватлаш бўйича келишилган митинг бўлиб ўтди, унда бир неча минг киши қатнашди. Бундан ташқари, Қозоғистонда ўнлаб кичик норозилик намойишлари бўлиб ўтди. Бироқ, сўнгги бир йил ичида бундай митингларни ўтказиш тўғрисидаги барча билдиришномалар Қозоғистон расмийларининг қаршиликларига дуч келди, дея таъкидлайди ИҲҚХБ.
