Роберт Просинечки ва Медербек Сидиқов. ҚФИ матбуот хизмати фотосурати
8 декабрь куни Бишкекдаги Қирғизистон футбол иттифоқи (ҚФИ) биносида таниқли хорватиялик мураббий Роберт Просинечки бошчилигидаги Хорватия делегацияси билан учрашув бўлиб ўтди. Бу ҳақда ҚФИ матбуот хизмати хабар берди.
ҚФИ вакили сифатида учрашувда биринчи вице-президент Нурдин Букуев, бош котиб Медербек Сидиков ва техник директор Дайнис Казакевич иштирок этди.
Просинечкидан ташқари, Бишкекка Словакиянинг «Нитра», Хорватиянинг «Интер Запрешич», Италиянинг «Лечче» ва Англиянинг «Ипсвич» каби футбол клублари билан алоқалари бўлган бизнесменлар ҳам етиб келди.
«Музокаралар давомида томонлар ўзаро ҳамкорлик имкониятларини муҳокама қилишди, жумладан, миллий ва бошқа Қирғизистон футбол жамоалари фаолияти, тажриба алмашиш, мураббийликни ривожлантириш ва қўшма лойиҳалар истиқболларига эътибор қаратишди», — деб хабар берди матбуот хизмати.
Алоҳида мавзу Қирғизистон миллий терма жамоасига янги бош мураббийни танлаш масаласи бўлди. Шуни таъкидлаш лозим, Просинечкидан ташқари, унинг ёрдамчиси, шунингдек, профессионал Гордан Cиприч Қирғизистонга етиб келди. Шунинг учун, Қирғизистон терма жамоаси бош мураббийи лавозимига аниқ бир номзоднинг муҳокама қилиниши эҳтимоли катта.
Россиялик Максим Лисицин истеъфога чиққанидан сўнг, Қирғизистон терма жамоаси бош мураббийсиз қолди. Урмат Абдукаимов CAFA кубоги давомида вақтинчалик бош мураббий бўлиб ишлаган, аммо бу вақтинчалик чора экани таъкидланганди.
Роберт Просинечки — Хорватиянинг энг машҳур футболчиларидан бири. Футболдан кетганидан сўнг, у мураббий сифатида ишлай бошлаган. У клубларда, шунингдек, Озарбайжон, Босния ва Черногория терма жамоаларида мураббийлик қилган.
