Муҳаммадали Ўринбоев. "Антверпен" матбуот хизмати фотосурати
Бельгиянинг «Антверпен» клуби мухлислари ўзбекистонлик футболчи Муҳаммадали Ўринбоев билан шартнома имзолаганидан сўнг клуб спорт директори Марк Овермарсни танқид қилишди. Бу ҳақда Voetbalnieuws нашри хабар берди.
«Овермарс Ўринбоев билан тўрт йиллик шартнома имзолади, футболчи ярим миллион еврога сотиб олинди. «Дилетантлар!» ва «Бир тўда фирибгарлар» —бу ижтимоий тармоқлардаги салбий муносабатнинг бир қисми», — деб ёзади нашр.
Ўринбоев билан шартнома имзоланишини танқид қилиш, афтидан, Овермарснинг «ёмон» ишининг йиғиндиси натижаси бўлган. Аввалроқ, мухлислар спорт директорини клуб асосий ҳимоячи Жел Батайни эркин агент сифатида қўйиб юборгани учун танқид қилганди.
Ўз навбатида Бельгиянинг бошқа бир нашри Voetbalprimeurнинг фикрича, Ўринбоев трансфери «Антверпен»нинг ҳозирги ижодий трансфер сиёсатига тўғри келади. Келгуси мавсумда еврокубоклардаги ўрин йўқотилгани ва клуб раҳбарияти томонидан молиявий инексиялар камайгани сабабли спорт директори Марк Овермарс чекланган ресурслар билан кифояланишга мажбур. Шу тариқа, «Антверпен» Ўринбоевдан ташқари Жеффри Хейреманс, Даам Фулон ва япониялик дарвозабон Таиши Нозавани эркин агент сифатида ўз сафига қўшиб олди. «Антверпен» мухлисларида бу футболчилар ҳақида ҳеч қандай савол йўқ.
Ўринбоев июль ойи бошида «Пахтакор»дан «Антверпен»га кўчиб ўтганди. У Бельгиянинг Жюпиле-Лигесида ўзбекистонлик биринчи футболчига айланди.
Қайд этиш лозим, Бельгия чемпионати ва хусусан, «Антверпен» футболчиларни кейинчалик кучлироқ лигаларга ўтказиш учун ажойиб трамплиндир. Шу тариқа, «Антверпен» охирги икки йил ичида 13 нафар футболчисини 100 миллион еврога сотди. «Пахтакор» футболчининг кейинги трансфери учун ўз фоизини олади.
Муҳаммадали Ўринбоев — «Пахтакор» тарбияланувчиси. У 2021 йилдан буён асосий жамоага жалб қилинган. Ўтган йили Англиянинг Брентфорд B» клубида ижара асосида ўйнаган ва бир нечта ўртоқлик учрашувларида майдонга тушган. У Ўзбекистон ёшлар терма жамоаси сардори ҳисобланади.
