made-in-china.com сайти фотосурати
2024 йил якунларига кўра, Хитой ва Марказий Осиё мамлакатлари ўртасидаги умумий товар айирбошлаш ҳажми 94,8 миллиард долларни ташкил этган, бу ҳақда Хитой Бош божхона бошқармасига таяниб, Zakon.kz хабар берди.
Савдо айланмаси 2023 йилга (89,4 миллиард доллар) нисбатан 5,4 миллиард долларга ошган.
Ҳажмнинг катта қисми – 43,8 миллиард доллар ёки 46 фоиздан ортиғи Қозоғистонга тўғри келади. Қолган давлатлар ўртасидаги тақсимот қуйидагича:
✅ Қирғизистон — 22,7 млрд доллар (24%);
✅ Ўзбекистон – 13,7 млрд доллар (14,5%);
✅ Туркманистон — 10,6 млрд доллар (11%);
✅ Тожикистон – 3,8 млрд доллар (4%).
👉 Қозоғистон (2,8 миллиард долларга ўсиш), Қирғизистон (2,9 миллиард доллар) ва Туркманистон (57 миллион доллар) билан савдода ижобий динамика кузатилади. Бироқ, Тожикистон ва Ўзбекистон билан ўзаро савдо ҳажми мос равишда 65 миллион доллар ва 260 миллион долларга камайган.
