ЎР Транспорт вазирлиги Телеграм-канали фотосурати
Ўзбекистон ва Тожикистон янги халқаро автобус йўналишларини йўлга қўймоқда, деб хабар беради Ўзбекистон Республикаси Транспорт вазирлиги ўзининг Телеграм-каналида.
2 апрелдан бошлаб «Холдинг Азия Групп Таджикистан» Ўзбекистоннинг бир қатор шаҳарларига автобус қатновларини бошлайди. Автобуслар Душанбе-Термиз, Душанбе-Денов ва Пенжикент-Самарқанд йўналишларида ҳаракатланади.
Душанбе -Термиз йўналишининг узунлиги 251 км, йўл вақти 5 соат 40 минут. Душанбедан Деновгача бўлган масофа 107 км, бориш вақти 2 соат 25 дақиқа. Пенжикент – Самарқанд автомобиль йўлининг масофаси 64 км, йўл вақти эса 1 соат 25 дақиқадан иборат.
COVID-19 пандемияси туфайли узилиб қолган Ўзбекистон ва Тожикистон ўртасидаги автобус қатновлари 2021 йил октябрь ойида тикланган эди. Айни пайтда Тошкент – Хўжанд ва Қўқон – Хўжанд йўналишларида автобуслар қатнамоқда.
16 мартдан бошлаб Ўзбекистон ҳукумати пандемия сабабли фуқароларнинг Тожикистон ва Қозоғистон билан чегара пунктлари орқали киришига киритилган чекловларни бекор қилди. COVID-19га қарши эмлаш ҳужжати бўлган чет эл фуқаролари Ўзбекистонга коронавирус инфекциясига ПЦР тестини топширмасдан киришлари мумкин. Эмлаш ҳужжати бўлмаса, киришдан камида 72 соат олдин олинган ПЦР тестининг салбий натижаси билан сертификат тақдим этиш ёки чегарани кесиб ўтишда экспресс антиген тестини топшириш лозим.
