Solanews.uz сайти фотосурати
Ўзбекистонда ҳоким ёрдамчилари фаолиятини қўллаб-қувватлаш жамғармаси ташкил этилди. Бу ҳукуматнинг 16 февралдаги қарорида назарда тутилганди, деб ёзади ЎзА.
Жамғарманинг ижро этувчи органи — Ўзбекистон Иқтисодий ривожланиш ва қашшоқликни қисқартириш вазирлиги ҳузуридаги Маҳаллабай ишлаш ва тадбиркорликни ривожлантириш агентлиги ҳисобланади.
Жамғарма маблағларини турли компенсациялар, субсидиялар ва мукофотларга йўналтириш режалаштирилган.
Жумладан, иши муносабати билан яшаш жойини ўзгартиришга мажбур бўлган ҳоким ўринбосарлари ва республика бошқармалари вакилларига уй-жой ижараси тўлови икки баравар кўп (базавий ҳисоб-китоб қиймати, битта БҲМ 270 000 сўм ёки $25) миқдорида компенсация тўланади.
Уй-жой сотиб олишни хоҳловчилар сотиб олинган мулк қийматининг 50 фоизигача, лекин 150 миллион сўмдан (13,8 минг доллар) кўп бўлмаган миқдорда субсидиялар олади.
Ҳар чоракда бир марта шахсий автомобилдан фойдаланганлик учун компенсация тўланади. Агар у бензин билан тўлдирилган бўлса, бу миқдор 2,150 миллион сўм (199 доллар), газ ускуналари мавжуд бўлса — 1,35 миллион сўм (125 доллар)гача бўлади.
Ҳоким ёрдамчилари ҳар ойда тақдирланади. Агар уларнинг иши қониқарли деб топилса, мукофот миқдори ойлик иш ҳақининг 15 фоизини, яхши бўлса — 30 фоизини, аъло даражадаги иш учун — 50 фоизини ташкил қилади.
«Янги Ўзбекистон ислоҳотчиси» кўкрак нишони билан тақдирланганлар БҲМнинг беш баравари миқдорида бир марталик пул мукофоти оладилар, эндиликда бу кўрсаткич 1,35 миллионни (125 доллар) ташкил этади.
2022 йил 1 январдан бошлаб Ўзбекистондаги 10 мингдан ортиқ маҳалланинг ҳар бирида туман (шаҳар) ҳокимининг тадбиркорликни ривожлантириш, аҳоли бандлигини таъминлаш ва қашшоқликни қисқартириш бўйича ўринбосари лавозими жорий этилди. Президент Шавкат Мирзиёев уларни жойларда ўзининг вакиллари деб атади.
«Уларнинг асосий вазифаси тадбиркорликни ривожлантириш, иш ўринлари яратиш, қашшоқликни камайтириш, маҳалладаги оилалар даромадини оширишдан иборат бўлади», – деганди президент.
Ҳоким ўринбосарларининг иш ҳақи миқдори уларга бириктирилган маҳаллалардаги уйлар (квартиралар) сонига қараб – энг кам ойлик иш ҳақининг олти бараваридан етти бараваригача ёки 4,932 миллион сўмдан (461 доллар) 5,754 миллион сўмгача (538 доллар) гача бўлади.
