ЮНИCEФ Ўзбекистон ҳукуматига 500 минг АҚШ долларидан ортиқ қийматдаги ускуналарни тақдим этди

ЮНИСЕФ матбуот хизмати фотосурати

ЮНИСЕФ Ўзбекистон ҳукуматига қиймати 500 минг доллардан ортиқ бўлган вакциналар омборларини жиҳозлаш учун ускуналарнинг янги партиясини топширди. Бу ҳақда БМТ Болалар жамғармаси матбуот хизмати хабар берди.

Республика вакциналар омборида Moderna ва Pfizer сингари вакциналарни сақлаш имкониятини берадиган 118 музлатгич, шунингдек, 7 минг дона термосумкалар ва тиббиёт ходимлари учун шахсий ҳимоя воситалари тантанали равишда топширилди.

Ускуналар республика бўйлаб турли даражадаги 35 та вакцина омборларига тарқатилади.

Ўтган йил ноябрь ойида ЮНИСEФ кўмагида Тошкентда республика совуқ занжири омбори пайдо бўлган эди. У ҳозирда мавжуд бўлган барча турдаги вакциналарни сақлаши мумкин.

Омбор умумий майдони 1000 квадрат метр бўлган учта совутиш камераси (ҳарорати 2-8 ° C), ултра совуқ музлатгичлар (сиғими 3000 литр), вакциналарни сақлаш учун музлатгичлар ва иммунизация учун ёрдамчи материаллар учун қуруқ омбор билан жиҳозланган.

Омборда юкни тез ва самарали қайта ишлашга мўлжалланган юк кўтаргичлар мавжуд бўлиб, улар иккита электр тармоғига уланган ва узлуксиз электр таъминотини таъминлаш учун кучли захира дизел генератори билан жиҳозланган.

2017 йилдан бери ЮНИCEФ бутун Ўзбекистон бўйлаб 21 та вакциналар омборини қуришни қўллаб-қувватлади. Шунингдек, 17 та музлаткичли юк машинаси, 250 га яқин автомашина (минивен, седан ва йўлтанламас автомобиллар), вакцина идишлари ва совуқхоналар, ходимлар учун ҳимоя кийимлари ва бошқа керакли нарсалар тақдим этилди.