Ritmeurasia.org сайти фотосурати
Марказий Осиё энергетика тизимидаги йирик носозлик туфайли Ўзбекистондан Афғонистонга тўхтатилган электр энергияси экспорти тўлиқ ҳажмда тикланди. Бу ҳақда 1 февраль куни ТАСС ахборот агентлиги Ўзбекистон Энергетика вазирлиги матбуот котиби Элмира Бекмуродовага таянган ҳолда хабар беради.
«Авария асоратига барҳам берилганидан сўнг Ўзбекистондан Афғонистонга электр энергияси етказиб бериш тўлиқ тикланди», — дейди Бекмуродова.
Қозоғистон, Қирғизистон ва Ўзбекистондан ташкил топган Марказий Осиё Ягона энергия тизимида (ЯЭТ) 25 январь куни эрталаб авария содир бўлди. Уч мамлакатнинг аксарият ҳудудларида электр таъминоти узилиб қолди. Электр энергияси, жумладан йирик шаҳарлар – Олмаота, Тошкент, Бишкекда узилди. Бундан ташқари, Ўзбекистон Афғонистонга электр энергияси етказиб беришни тўхтатди. Маълумки, Ўзбекистон электр энергияси бир қатор шимолий вилоятлар ва пойтахт Кобул таъминоти учун ишлатилади.
27 январь куни Ўзбекистонда электр таъминоти тўлиқ тикланди.
