Шавкат Мирзиёев. Саида Мирзиёеванинг Facebookдаги саҳифаси фотосурати
Ўзбекистон Республикаси Президенти Шавкат Мирзиёев 2022 йил 5 январдан навбатдаги қисқа муддатли меҳнат таътилига чиқди. Бу ҳақда унинг матбуот котиби Шерзод Асадов хабар берди.
«Давлат раҳбари ўтган йили ҳам айнан январь ойида қисқа муддатли таътилда бўлган эди», — дея қўшимча қилди у.
«Ўзбекистон Республикаси Президенти фаолиятининг асосий кафолатлари тўғрисида»ги қонуннинг 4-моддасига мувофиқ, давлат раҳбарига ҳар йили 36 иш кунидан иборат ҳақ тўланадиган меҳнат таътили берилади.
Мирзиёев 2019 йилдан бошлаб йилига бир марта қисқа муддатли таътилга чиқади. У 2019 йили август ойида таътилга чиққан бўлса, ўтган йили 4 январдан 11 январгача дам олганди.
