Ўзбекистон ФВВ матбуот хизмати раҳбари Мурод Содиқов. ФВВ сайти фотосурати
2021 йил 15 декабрга қадар Ўзбекистонда ис газидан заҳарланиш ҳамда ҳаво-газ аралашмаси чақнаши туфайли 125 киши вафот этган, 115 киши жабрланган. Бу ҳақда Ўзбекистон Фавқулодда вазиятлар вазирлиги матбуот хизмати раҳбари Мурод Содиқов брифингда маълум қилди.
Унинг таъкидлашича, ис газидан заҳарланиш асосан газ ва муқобил ёқилғи (кўмир, ўтин ва бошқа) турларидан фойдаланишда хавфсизлик чораларига риоя этмаслик, ностандарт (қўлбола ясалган) иситиш печлари ва анжомларидан фойдаланиш, иситиш печлари дудбуронларини нотўғри ўрнатиш, ҳаво алмашмайдиган хоналарда очиқ оловдан фойдаланиш туфайли содир бўлмоқда.
