Муротжон Азимов. Cer.uz сайти фотосурати
Ўзбекистон Республикаси Президентининг тегишли фармонлари билан Зоир Мирзаев бошқа ишга ўтиши муносабати билан Қашқадарё вилояти ҳокими лавозимидан озод этилди, Муротжон Азимов Қашқадарё вилояти ҳокими вазифасини бажарувчи этиб тайинланди, деб хабар беради давлат раҳбарининг матбуот котиби Шерзод Асадов.
Муротжон Азимов 1976 йили Қашқадарё вилоятида туғилган, Тошкент юридика институтини тамомлаган. У прокуратура тизимида терговчи ва прокурор лавозимларида ишлаган. Азимов 2014 йили Бухоро вилоятининг прокурори этиб тайинланади. 2016 йил сентябридан бошлаб Ўзбекистон Бош прокурори ўринбосари лавозимида ишлаган. Азимов 2018 йилдан Давлат божхона қўмитасини бошқариб келган.
