Волжский шаҳар вокзали. Allzd.ru сайти фотосурати
Ўзбекистон пандемия даврида Россияда қолиб кетган ўзбекистонликларнинг қайтиши учун бешта махсус йўловчи поездини жўнатади. Бу ҳақда «Ўзбекистон темир йўллари» АЖ хабар беради.
Мазкур поездлар 2021 йил 15, 19, 22, 26,29 ноябрь кунлари соат 20:57 да «Волжский-Тошкент» йўналишида ҳаракатини амалга оширади.
Поездларга фақат бир томонга, яъни «Волжский-Тошкент» йўналишига чипталар сотилади. Чипталарни электрон тарзда ҳам сотиш йўлга қўйилган. Йўл вақти икки суткадан ортиқ.
Қўшимча маълумотларни 1005 телефон рақами орқали қўнғироқ қилиб, жойлардаги темир йўл кассалари ва маълумотлар бюросидан олиш мумкин.
