Stv.uz сайти фотосурати
Ўзбекистоннинг барча нодавлат ҳамда хусусий тиббиёт ташкилотларига COVID-19 коронавирус инфекцияли беморларни даволашга рухсат берилди. Бу ҳақда бош вазир Абдулла Арипов бошчилигидаги йиғилишда эълон қилинди, дея хабар беради Соғлиқни сақлаш вазирлигининг Telegram-лойиҳаси.
Арипов Соғлиқни сақлаш вазирлигига, ҳокимиятларга ушбу масалалар бўйича хусусий ва нодавлат клиникаларнинг фаолиятини тезкор ташкил этишига «барча зарурий кўмак» кўрсатиш тўғрисида топшириқ берди.
Ўша йиғилишнинг ўзида пневмонияли COVID-19 беморларини даволаш учун зарур бўлган кислород концентраторлари бож тўловларидан озод этилиши ҳақида маълум қилинди.
Олдинроқ, июнь ойида клиникаларга коронавирус мавжудлигини аниқлаш учун ПЗР тестларини ўтказишга рухсат берилганди. Фаолиятнинг бу тури билан шуғулланиш учун ташкилотлар ҳудудий санитария-эпидемиология осойишталиги марказларининг раҳбарлари имзолаган шартномаларга эга бўлишлари шарт қилинган.
Соғлиқни сақлаш вазирлиги маълумотига кўра, кеча 16 июль куни янги аниқланган COVID-19 ҳолатлари 485 тани ташкил этган, тўртта бемор вафот этган (ўлганларнинг сони 75 тага етди) ва 65 нафари оғир ҳолатда ётибди.
Тошкент ҳокми Жаҳонгир Ортиқхўжаев ва Соғлиқни сақлаш вазири Алишер Шодмоновга берилган ҳайфсан бериш ҳукумат қарорида Ўзбекистонда пандемиясининг иккинчи тўлқини бошлангани тилга олинган.
