Шаҳбоз Умаров. Championat.asia сайти фотосурати
Белоруссиянинг 15 карра чемпиони БАТЭ клуби «Энергетик-БГУ» таркибидаги Шаҳбоз Умаров билан шартнома имзоламоқчи. Бу ҳақда Championat.Asia хабар беради.
БАТЭ «Энергетик-БГУ» ярим ҳимоячилари Алексей Носко ва Шаҳбоз Умаровлар билан шартнома имзоламоқчи. Ўзбек футболчиси «Энергетик-БГУ» клубига ижарага берилган ва унинг соҳиби Олмалиқ КМК ҳисобланади. Хабарда БАТЭ ўйинчини сотиб олиши ёки ижара шартномасини қайта расмийлаштиришига аниқлик киритилмаган.
Шунингдек, БАТЭ «Энергетик-БГУ» ҳужумчиси, Ўзбекистон терма жамоаси аъзоси Жасур Яхшибоев билан ҳам шартнома тузиш режасини қилганди, лекин ўйинчи натижада «Шахтёр»га ўтиб кетди.
Шаҳбоз Умаров — олмалиқ футболи вакили, Олмалиқ КМК учун тўп сурган. У жорий йилнинг февраль ойида «Энергетику-БГУ» клубига ижарага берилган. 21 ёшли футболчи Ўзбекистон ёшлар терма жамоаси сафида битта матчда қатнашган. Жорий мавсумда Умаров минскликлар клуби сафида 17 та ўйинда иштирок этди ва иккита гол урди.
