«Черняевка» Назорат-ўтказиш маскани . Nuz.uz сайтидан олдинган архив фотосурати
COVID-19 пандемияси муносабати билан эълон қилинган карантин туфайли Ўзбекистондан ватанига қайта олмаётган россияликлар Тошкентдаги Россия Федерацияси элчихонаси томонидан ёрдам кўрсатилмаётганидан ҳафа. Бу ҳақда “Фарғона” ахборот агентлигига Тошкент вилоятининг Янгийўл туманида қолиб яшашга мажбур бўлган екатеринбурглик Татьяна Шишкина айтиб берди.
Шишкинага кўра, россияликлар муаммони биргаликда ҳал этиш учун ижтимоий тармоқларда бирлашмоқдалар. Telegram мессенжеридаги махсус гуруҳда айни пайтга келиб 150 иштирокчи, WhatsApp мессенжерида худди шундай гуруҳда 100 киши бирлашган. “Фарғона” суҳбатдоши Россия Федерациясининг Тошкентдаги элчихонасига таяниб маълум қилишича, Ўзбекистонда тахминан тўрт минг одам ватанига қайта олмай қолиб кетган. Одамлар ватанидаги иш жойидан ҳайдалишидан хавотирдалар, негаки бир неча ой бўлибдики, уйларига қайта олмаяптилар. Кўпчилик қарзга ботиб кетган, негаки Тошкентдаги хонадонлар ижара ҳақи бир ойга 300-500 АҚШ долларини ташкил этади. Бундан ташқари еб-ичишга ҳам анча пул кетиб қолади. Маҳаллий жазирама иссиқ шароитида фуқаролар ва айниқса қариялар шифокорларга мурожаат қилишларига тўғри келяпти, уларнинг хизматлари ҳам бепул эмас.
Чартер рейсларига чипталарнинг нархи 250-280 АҚШ долларига тенг, агар уч кишилик оила учун сотиб олишга тўғри келса, 1200 АҚШ долларидан ошиб кетади. Бундан ташқари, йўловчи яшайдиган ҳудудга учадиган самолётни ушлаш керак, бошқасига қўйишмайди. Давлат хизматлари портали орқали рўйхатга олиш жараёнида ҳам ўзига хос қийинчиликлар бор.
“Элчихона бизга ёрдам бермаяпти. Расмийлар доим ўз фуқароларини олиб чиқиб кетаётгани тўғрисида ҳисобот бериб келадилар. Бу ерда ҳеч қандай ёрдамсиз қолиб кетганимиз тўғрисида бирорта маълумот йўқ. Биз президентга ёздик, коллектив мактубларни юбордик. Барча инстанцияларга мурожаат қилдик, аммо жавоб олмадик. Ҳозир биз одамлар биз билан нималар содир бўлаётганини кўриб қўйишсин деб YouTube каналига жойлаштириш учун мурожаатларни тасвирга туширяпмиз”, — дейди Шишкина.
Россияликлар ватанга машиналарда қайтиб кетиш вариантини ҳам ўрганишмоқда, бироқ Қозоғистон чегарасини очиб бермаяпти. “Олдин биз Қозоғистон жўнатган анкеталарни тўлдирган эдик, ҳозир эса бу мамлакат орқали транзит ёпиб қўйилда, деб айтишяпти. Бунгача бизнинг машиналаримизни тралларда, ўзларимизни эса автобусларда COVID-19 билан касалланмаганимиз тўғрисидаги справкалар билан олиб чиқиб кетишларини сўрагандик. Бироқ ўшанда ҳам рад жавобини олдик. Ҳолбуки, Ўзбекистон бизнинг чиқиб кетишимизга қарши эмас. Биз, шунингдек, Қозоғистонда Астрахан орқали яшил йўла беришни сўрадик, негаки бу йўл давомида йирик аҳоли яшайдиган манзиллар йўқ. Биз коронавирусга чалинмаганимиз тўғрисидаги справкаларни тақдим этишга тайёрмиз, уларнинг Ўзбекистондаги нархи 2200 рублга (30 АҚШ доллари) ва амал қилиш муддати 5 кунга тенг, бироқ бизларни қатъий равишда чегарадан ўтказмаяптилар”, — дея ҳасрат қилади “Фарғона” суҳбатдоши.
“Ҳозирча биз Ўзбекистон қоидаларини бузмаслик учун чегара олдида тўпланиб турибмиз ва бизнинг муаммо тинч йўл билан ҳал этилишига умид қиламиз. Бизга йўл қачон очилиши борасидаги аниқ муддатни айтинглар, шунда биз сабр қиламиз ва кутамиз. Энг ёмони ноаниқлик, ҳеч нарсани билмаслик”, дея аёл дипломатларга мурожаат қилди.
Шишкина ўз танишининг Тожикистонда истиқомат қиладиган қариндошларини Ўзбекистон орқали транзит билан кўриб қайтмоқчи бўлган эди. Тошкентга у 15 март куни кириб келган ва эртаси куни Ўзбекистон расмийлари чегараларни ёпиб қўйишган. Жорий қилинган карантин туфайли Татьяна уч ярим ой бўлибдики дўстлари билан (эр-хотин ва балоғатга етмаган икки фарзанд) Тошкент вилоятида истиқомат қилишга мажбур бўлишмоқда. Танишининг қариндошлари бор экан, яшаётган уй учун ижара ҳақи тўламаяптилар. Шишкинанинг уйида икки фарзанди ва онаси қолган, у ўзининг пенсияси ҳисобига набираларини боқаётганидан ташқари бегона юртда қолиб кетган қизига ҳам ёрдам бериб турибди.
Июнь ойида Россия коронавирус инфекциясининг профилактикаси доирасида мамлакатга кириш ва чиқишга киритилган чекловларни қисман енгиллатаётгани ҳақида хабар берилганди. Бироқ режим қачон юмшатилиши ҳақидаги маълумотга ҳозирча аниқлик киритилгани йўқ.
