Қўқон фестивалидаги салют . Андрей Кудряшов фотосурати, "Фарғона"
Ўзбекистон Тадбир ташкилотчилари миллий уюшмаси (ТТМУ) президент Шавкат Мирзиёевдан event-индустрияни узоқ муддатли фоизсиз кредитлар ва ер солиғи, шунингдек, фойда ва мол-мулк солиқларидан озод қилиш йўли билан қўллашни сўраб мурожаат қилди. Бу каби чоралар уюшманинг сайтида чоп этилган очиқ хатда санаб ўтилган.
COVID-19 пандемияси томонидан event-индустрияга (тадбирларни ташкил этиш индустрияси) берилган зарбаси мактубда “қақшатқич”, унинг оқибатлари эса “узоқ муддатли” дея аталган, негаки реал ҳаётда оммавий тадбирларнинг ўтказилиши ҳали-вери тикланмайди, индустриянинг эса масофадан туриб ишлайдиган ёки онлай-фаолиятга имконияти мавжуд эмас.
“Бундай вазиятда ҳаётга қайтадиган сўнги соҳалардан бири айнан бизники бўлиб қолиши муқаррар”, — дея шикоят қиладилар мактуб муаллифлари. Улар Ўзбекистон мамлакат ва алоҳида компанияларнинг ютуқларини намоён этувчи “иқтисодиётнинг унчалик катта бўлмаган, бироқ аҳамияти катта бўлган сектори”дан маҳрум бўлиб қолиши мумкинлиги ҳақида огоҳлантиришмоқда.
ТТМУ кўмакка муҳтож бўлган соҳа ва мутахассисларни санаб ўтган: тадбирлар уюштириш, безатиш ва декор, event-майдончалар қурилиши, тадбирлар учун техник жиҳозларнинг ижараси, кейтеринг, фото- ва видеотасвирга олиш, визуал, овозли ва ёритиш жиҳозларини етказиб берувчилар, декораторлар ва безакчилар.
Ишда тўхтаб туришлик малакали персонални йўқотиш таҳликасини келтириб чиқади. “event-агентликлар персоналини тайёрлаш – узоқ муддатли ва машаққатли иш саналади, бунга олий таълим муассасаларида ўқитилмайди, Ўзбекистонда узоқ йиллар давомида шаклланган профессионаллар доираси узоқ муддат давом этган ҳаракатлар ва тадбиркорлар томонидан киритилган инвестияларининг самарасидир. Айни пайтда бошқа соҳаларга ўтиб кетаётган мазкур мутахассисларни йўқотишнинг ўрнини тўлдириб бўлмайди”, — дея огоҳлантиради уюшмадагилар.
Кредитлар ва солиқ таътиллари ишчи ўринларини сақлаб қолишга ҳамда ўсишнинг янги таянч нуқталарини топишга, эпидемиологик вазият яхшилангунига қадар омон қолишга имконият беради, дейишади уюшмадагилар.
Ўзбекистон расмийлари пандемия даврида аҳоли ва тадбиркорликни қўллаш чораларини қабул қилаётганлари ҳақида бир неча бор эълон қилишган. Шундай чоралар қаторида 2020 йил 1 июндан 1 сентябргача давр мобайнида кичик бизнес субъектларини, бозорларни ва савдо мажмуаларини, кинотеатрлар, қаҳвахона ва қатор бошқа корхоналарни мол-мулк солиғидан ва ер солиғидан озод этиш каби енгилликлар бор.
