22 ноябрь куни Париждаги Араб дунёси институтида 19 аср ўрталаридан 20 аср бошларигача яратилган Ўзбекистон халқ амалий санъатининг ноёб асарлари кўргазмаси очилади.
Францияда илк бор Ўзбекистондаги тўққизта йирик музейнинг 300 дан ортиқ экспонатлари халқаро жамоатчиликка тақдим этилади. Уларнинг орасида тўқимачилик, кийим-кечак ва пойабзал, бош кийимлар, заргарлик буюмлари коллекциялари, шунингдек, Нукус шаҳридаги Савицкий номидаги давлат санъат музейига мансуб Туркистон ва рус авангардларининг 24 та асари шулар жумласидандир.
Николай Карахан. Қайрағоч остидаги ховуз олди чойхонаси, 1920-й. Холст, бўёқ. И. В. Савицкий номидаги Қорақалпоқ Республикаси давлат санъат музейи
Музей 1966 йилда ташкил этилган бўлиб, у «Чўлдаги Лувр» номини олган. Бу ерда Санкт-Петербургдаги Давлат рус музейидан кейин рус авангардининг дунёдаги иккинчи йирик коллекцияси жойлашган. Коллекциядан Роберт Фальк, Любовь Попова, Александр Шевченко, Александр Осмёркин, Василий Чекригин, Климент Редько, Николай Ульянов, Алиса Порет, Александр Волков, Александр Николаев (Усто-Мўмин), Михаил Курзин, Виктор Уфим каби таниқли рассомларнинг асарлари ўрин олган.
-
![]()
Ўрол Тансиқбоев. Қумғон. 1935. Холст, бўёқ. И.В. Савицкий номидаги Қорақалпоқ Республикаси давлат санъат музейи
-
![]()
Нина Кашина. Шер-Дор олдида. 1928. Холст, бўёқ. И.В. Савицкий номидаги Қорақалпоқ Республикаси давлат санъат музейи
24 ноябрь куни Парижнинг Лувр музейида Ўзбекистон маданий меросига бағишланган яна бир – «Ўзбекистон воҳалари хазиналари. Карвон йўллари чорраҳасида» деб номланган кўргазма очилади.
-
Варахша шаҳарчасидаги Бухоро ҳукмдорлари саройидаги девор сурати. Ўзбекистон давлат санъат музейи экспозициясидан
-
![]()
Сурхондарё вилояти Шўрчи туманидаги Далварзинтепада топилган ноёб ҳайкалча.
-
Заргарлик буюмлари
Кўргазмалар орасида ислом оламининг энг муҳим қўлёзмаларидан бири бўлган VIII асрга оид Катталангар Қуръони ҳам тақдим этилади. Катталангар Қуръони Ислом дунёси учун улкан диний аҳамиятга эга китоб бўлиб, бутун инсониятнинг маданий ва тарихий меросини ташкил этувчи қадриятлардан биридир.
Катталангар Қуръони саҳифаси, VIII аср
Яна бир ноёб артефакт — Будданинг «Гулжал ташувчиси» ҳайкали (милоддан аввалги 1 аср ва милодий 1 аср). Кўргазмага ташриф буюрувчилар Бухоро амирлиги даври тарихидан ҳикоя қилувчи ўн иккита миниатюра, Кофир-қалъа (Самарқанд) шаҳарчасидаги 6-7-асрларга оид ёғоч панно парчаларини томоша қилишлари мумкин.
-
![]()
Будда ҳайкали
-
Самарқанд, Кофир қалъа шаҳарчасидаги VI-VII асрга оид ёғоч панно фрагменти
-
3. Самарқанд, Кофир қалъа шаҳарчасидаги VI-VII асрга оид ёғоч панно фрагменти
Хуллас, Луврдаги кўргазмада деярли икки минг йиллик даврни қамраб олган 169 та экспонат намойиш этилади.
