x.com/khamenei_ir фотосурати
Эрон олий раҳбари Али Хоманаий Ислом Республикаси «вандаллар» ва «диверсантлар» деб аталмиш намойишчилар олдида «чекинмаслигини» маълум қилди. Унинг нутқи давлат телевидениеси орқали намойиш этилди, деб хабар беради Alarabia.
Али Хоманаий декабрь ойи охирида мамлакатни қамраб олган норозилик намойишларидан бери биринчи марта халққа мурожаат қилди. Унинг таъкидлашича, намойишчилар АҚШ президенти Дональд Трампни рози қилиш учун кўчаларни вайрон қилмоқда. Хоманаий шунингдек, фуқароларни Америка президентига умид боғламасликка чақирди ва Трампнинг қўллари «мингдан ортиқ эронликларнинг қонига ботгани»нини таъкидлади. Шунингдек, у «такаббур» Америка раҳбари 1979 йилги инқилобдан олдин Эронни бошқарган император сулоласига ўхшаб «тахтдан ағдарилишини» башорат қилди ва Трампни АҚШ ички ишларига эътибор қаратишга чақирди.
Эронда оммавий намойишлар декабрь ойида миллий валютанинг қадрсизланиши ва унинг курсининг кескин ўзгариши туфайли бошланди. Бир нечта шаҳарларда норозилик намойишлари полиция билан тўқнашувларга айланиб кетди ва шиорлар эса сиёсий тус олди — намойишчилар ҳозирги режимга қарши чиқишди. Инсон ҳуқуқлари ташкилотлари хавфсизлик кучлари билан тўқнашувлар пайтида ўнлаб қурбонлар ва минглаб ҳибсга олинганлар ҳақида хабар беришди, куч ишлатар тизими кўзни ёшлантирувчи газ ва ҳақиқий ўқ-дориларни ишлатишган. Ўз навбатида, Дональд Трамп Қўшма Штатлар Эрондаги вазиятни диққат билан кузатиб бораётганини айтди.
«Уларнинг (Эрон расмийлари — таҳр.изоҳи) ишлари жуда ёмон. Мен уларга, агар одамларни ўлдира бошласалар, одатда тартибсизликлар пайтида шундай қилишади — уларда кўплаб тартибсизликлар бўлиб туради — агар улар бу ишни қилсалар, биз уларга жуда қаттиқ зарба беришимизни англатиб кўйдим», — деди АҚШ президенти радио бошловчиси Хью Хьюитига берган интервьюсида.
8 январь куни кечқурун Эронда норозилик намойишлари кучайиб бораётган бир пайтда интернет ўчирилди.
