mk.ru сайти фотосурати
Россия мактабларига кираётган Қирғизистон фуқароларининг фарзандлари Қирғизистондаги олий ўқув юртларида рус тилидан имтиҳон қилишини мумкин. Қирғизистон Ташқи ишлар вазири ўринбосари Алмаз Имангазиев Россия элчиси Сергей Вакунов билан учрашувда шундай таклифни илгари сурди.
Томонлар меҳнат мигрантларининг Россияга жўнаш кетишидан олдин тайёрлаш, жумладан суратга, бармоқ изларини олиш ва тиббий кўрикдан ўтказиш тартиб-қоидалари масалаларини муҳокама қилди. Кўриб чиқилаётган масалалар қаторида мамлакатда рус тили имтиҳонини топшириш имконияти ҳам бор, бу Қирғизистон томонига кўра, мигрантлар фарзандлари учун рус мактабларига қабул қилиш тартибини соддалаштиради.
Бундан ташқари, Россия Федерацияси назорат остидаги шахслар реестрига киритилган Қирғизистон фуқароларининг миграция мақомини қонунийлаштириш чора-тадбирлари, навбатларни камайтириш мақсадида Россиядаги миграция марказлари инфратузилмасини кенгайтириш масалалари муҳокама қилинди. Шунингдек, Ташқи ишлар вазирлиги Қирғизистон консуллик вакиллари ва Россия ИИВ миграция бошқармалари раҳбарияти ўртасида ишчи алоқаларни кучайтириш зарурлигини алоҳида қайд этди.
Музокаралар якунлари бўйича томонлар Қирғизистон фуқароларининг Россия ҳудудида бўлиш тартиб-таомилларини соддалаштириш, шунингдек, ҳар икки давлат манфаатларига мос равишда маъмурий ва таълим тартибларини такомиллаштириш бўйича ўзаро ҳамкорликни давом эттириш ниятларини тасдиқладилар.
ℹ️ 2025 йил 1 апрелидан бошлаб Россияда қонун кучга кирди, унга кўра, чет эл фуқароларининг фарзандлари мактабларга кираётганда рус тилини билимига доир тестдан ўтиши шарт. Имтиҳон боланинг ёшини ва у кирадиган синфни ҳисобга олган махсус топшириқлар бўйича амалга оширилади: биринчи синф ўқувчилари учун оғзаки кўникмалар тести талаб қилинади, катта синфлар учун — ёзма ва оғзаки иш.
Май ойида Рособрнадзор биринчи натижаларни сарҳисоб қилди. 1762 нафар талабгордан атиги 335 нафари имтиҳонга қўйилган, 81 фоизи ҳужжатларни текшириш босқичида йиқилган. Рад этилишнинг асосий сабаблари ҳужжатлар тўпламининг тўлиқ бўлмагани, мактабларда ўринларнинг етишмаслиги ва нотўғри маълумотларнинг тақдим этилишидир. Тестга қўйилганлардан 44 нафари синовлардан ўтган, 61 фоизи топшириқларни бажарган.
