Мирлан Эшенов. sputnik.kg сайти фотосурати
Қирғизистонлик мутахассис Мирлан Эшенов Қоракўлнинг «Барс» футбол клубини бошқарадиган бўлди. Бу ҳақда Эшенов бошқа клуб – «Алга»га устозлик қилган учрашувдан сўнг матбуот анжуманида малум қилди.
Мирлан Эшенов «Барс»да россиялик мутахассис Александр Крестинин ўрнини эгаллайди. Қоракўлликлар 3 июлга белгиланган навбатдаги ўйинни янги мураббий бошқарувида ўтказиши режалаштирилган.
39 ёшли Эшенов учун «Барс» жорий мавсум бошидан буён учинчи, ўтган йил охиридан бери эса бешинчи клуб бўлади. Декабрга қадар мутахассис «Илбирс» ФК ва Қирғизистон ўсмирлар терма жамоасини бошқарган. У терма жамоани Осиё Кубогига олиб чиққан, бироқ кутилмаганда уни четлатишади ва украиналик мураббий Сергей Пучков бу лавозимга тайинланади. Шу йил апрель ойида Эшенов бир неча йил аввал ишлаган «Абдиш-Ата»га қайтди. Унинг бошқарувида жамоа бешта учрашув ўтказиб, уларнинг тўрттасида йирик ҳисобда ғалаба қозонди. Бироқ, июнь ойида мураббийдан кетиш сўралган. Орадан бир ҳафта ўтиб, Эшенов «Алга»ни қабул қилди, унинг шогирдлари «Илбирс» ва ўсмирлар жамоаси мавсум бошланишидан аввал трансфер қилинган. Эшенов «Алга» билан бор йўғи иккита кубок ўйинида майдонга тушди. Турнирнинг чорак финалида жамоа «Дордой»га 1:3 ҳисобида имкониятни бой берди.
Қайд этиш лозим, «Барс» ФК мавсум бошланишидан олдин Александр Крестинин ёрдамида ташкил этилганди. Унинг истеъфосидан сўнг жамоа раҳбарияти бир қатор футболчилар билан хайрлашди. Эшеновнинг янги футболчиларни танлаш устида ишлашига тўғри келади.
