Садир Жапаров. Қирғизистон президенти матбуот хизмати фотосурати
Қирғизистонда навбатдаги президентлик сайловлари амалдаги давлат раҳбари ваколат муддати тугайдиган йилнинг январь ойи тўртинчи якшанбасида бўлиб ўтади. Садир Жапаров тегишли қонунни 28 апрель куни имзолаган.
Шундай қилиб, навбатдаги президентлик сайловлари 2027 йил 24 январда бўлиб ўтади.
Жогорку Кенеш (Қирғизистон парламенти) овоз бериш санасидан камида тўрт ой олдин давлат раҳбари сайловини тайинлаши керак.
Худди шу қонунда мамлакат олий лавозимига номзоднинг қуйи ёш чегараси белгиланган: Сайлов тўғрисидаги қонуннинг 50-моддаси 3-қисмидаги «35 ёшдан кичик бўлмаган» деган сўзлар «сайлов кунида 35 ёшга тўлган» деган сўзлар билан алмаштирилган.
ℹ️ Амалдаги қонунга кўра, навбатдаги президентлик сайловлари амалдаги давлат раҳбари ваколат муддати тугайдиган йилнинг октябрь ойи учинчи якшанбасида ўтказилиши керак эди.
Садир Жапаров 2021 йил 10 январда бўлиб ўтган сайлов натижаларига кўра президент этиб сайланган эди. У 28 январь куни лавозимга киришган.
