Шавкат Мирзиёев ва Урсула фон дер Ляйен. Ўзбекистон президенти матбуот хизмати фотосурати
Ўзбекистон Республикаси Президенти Шавкат Мирзиёев, Европа кенгаши Президенти Антониу Кошта ва Европа комиссияси Президенти Урсула фон дер Ляйен Самарқанд шаҳридаги Конгресс маркази хиёбонида икки туп эман экдилар. Бу ҳақда Ўзбекистон Президенти матбуот хизмати хабар берди.
Кўчат ўтқазиш маросими олий даражадаги Ўзбекистон-Европа музокаралари якунида бўлиб ўтди.
«Кўчат экиш маросими Ўзбекистон ва Европа Иттифоқи ўртасида дўстлик, кўп қиррали ҳамкорлик ва шериклик муносабатлари тобора мустаҳкамланиб бораётганининг яна бир рамзи бўлди», — дейилади давлат раҳбари матбуот хизмати хабарида.
ℹ️ 3-4 апрель кунлари Самарқандда «Марказий Осиё-Европа Иттифоқи» нинг биринчи саммити бўлиб ўтади. Тадбирда Европа кенгаши президенти Антониу Коста, Европа комиссияси президенти Урсула фон дер Ляйен, Ўзбекистон президенти Шавкат Мирзиёев, Қозоғистон президенти Қосим-Жомарт Тўқаев, Қирғизистон президенти Садир Жапаров, Тожикистон ппрезиденти Эмомали Раҳмон ва Туркманистон президенти Сердар Бердимуҳамедов иштирок этади.
«Келажакга сармоя киритиш» шиори остида ўтказилаётган саммитда Европа тикланиш ва тараққиёт банки ва Европа инвестиция банки раҳбарлари ҳам иштирок этиши кутилмоқда. Мулоқотда минтақа давлатлари ва ЕИ ўртасидаги кўп қиррали муносабатлар ва амалий ҳамкорликни ривожлантириш истиқболлари кўриб чиқилади.
