Михаил Шайдоров. championat.com сайти фотосурати
Михаил Шайдоров фигурали учиш бўйича жаҳон чемпионатида Қозоғистон учун иккинчи кумуш медалини қўлга киритди. Аввали бундай унвонни 2018 йили ҳалок бўлган Денис Тен қўлга киритганди.
Шайдоров жаҳон чемпионатига рейтинг пешқадами сифатида келган бўлса-да, у мутлақ фаворит ҳисобланмаган. Қисқа дастурдан сўнг Михаил учинчи ўринни эгаллади, аммо ажойиб тарзда бажарилган дастурдан сўнг у япониялик Юма Кагиямани иккинчи ўриндан сиқиб чиқара олди. 20 ёшли қозоғистонлик фақат америкалик Илья Малининга ютқазди. Шайдоров ўзига Олимпия ўйинлари лицензиясини кафолатлади.
Бу Қозоғистон учун эркаклар ўртасидаги конкида учиш бўйича учинчи медалдир. Илгари фақат Денис Тен жаҳон чемпионати совринларини қўлга киритолганди. У 2013 йили кумуш, 2015 йили эса бронза медалини қўлга киритганди.
Аёллар ўртасида фигурали учиш бўйича Қозоғистон вакили Софья Самоделкина 14-ўринни эгаллади. Аммо бу Олимпиада лицензиясини олиш учун етарли ҳисобланади.
Ўзбекистонлик Екатерина Гейниш/Дмитрий Чигирев жуфтлиги ўнинчи ўринни эгаллаб, Олимпия ўйинлари лицензиясини қўлга киритди. Бу ўзбекистонлик фигурали учувчиларнинг жуфтлик учиш тарихидаги энг яхши натижасидир. Аввалроқ Марина Аганина ва Артем Князев 14-ўринни 2005 йили қўлга киритган энг яхши натижа ҳисобланган. 2006 йилдан буён Қишки Олимпиада ўйинларида ўзбекистонлик жуфтликлар бўлмаган.
