20 январдан бошлаб Uzbekistan Airways авиакомпанияси Россия ва Беларусь ҳаво кенгликларини четлаб ўтган ҳолда Европа давлатларига парвозларни бошлади. Бу ҳақда 28 январь куни авиакомпаниянинг 33 йиллигига бағишланган матбуот анжуманида маълум қилинди.
Энди Ўзбекистон авиакомпаниясининг Европа давлатларига йўл олган самолётлари Озарбайжон ва Туркия орқали парвоз қилади, деб ёзади Daryo.uz.
Repost.uz нашрининг маршрут ўзгариши 29 декабрь куни Россия ҳудуди узра уриб туширилган AZAL самолёти ҳалокати билан боғлиқми, деган саволига Uzbekistan Airways матбуот хизмати «булар шунчаки эҳтиёт чоралари ва қайсидир маънода «маршрутни оптималлаштириш», дея жавоб берди.
