today.kg сайти фотосурати
2024 йилнинг январь-июнь ойларида Қирғизистон республика иқтисодиётига 462,2 миллион доллар тўғридан-тўғри хорижий инвестициялар жалб қилди, бу ўтган йилга нисбатан 7,7 фоизга кўпдир. Бу ҳақда Economist.kg нашри Миллий инвестиция агентлиги директори Талантбек Имановга асосланиб хабар беради.
Расмийга кўра, МДҲга кирмаган давлатлар компаниялари Қирғизистон ичидаги лойиҳаларга катта қизиқиш билдирмоқда. Улар жами инвестициялар оқимининг 60% дан ортиғини ташкил қилади.
Ҳисобот даврида капиталнинг чиқиб кетиши 150,6 миллион долларни ташкил этган. Бу ерда ҳам МДҲга кирмаган давлатлар маблағларини олиб чиқиб кетган. Улар умумий миқдорнинг тахминан 76% ни ташкил қилади.
Агар Ҳамдўстлик вакиллари ҳақида гап борса, улар Қирғизистонга 181,8 миллион доллар сармоя киритган, капитал чиқиб кетиши 36,2 миллион долларни ташкил этган бўлса, МДҲ давлатлари орасида асосий инвестор Россия ҳисобланади, деди Миллий агентлик раҳбари.
Инвесторлар умумий рўйхатида етакчилар қуйидагича жойлашган:
✅ Хитой – 109,3 миллион доллар, бу умумий чет эл инвестициялар оқимининг 23,6 фоизини ташкил этади;
✅ Россия — 108,3 миллион доллар (23,5%);
✅ Туркия — 61,2 миллион доллар (13,3%).
✅ Нидерландия – 29,9 миллион доллар (6,5%);
✅ Қозоғистон – 28,8 миллион доллар (6,2%).
Бундан ташқари, ХХР 44 миллион доллардан ортиқ маблағни олиб чиқиб кетиш бўйича ҳам етакчи ҳисобланади.
Қирғизистон мулозимининг маълум қилишича, Бишкек иқтисодиётига энг кўп сармоя жалб қилинган – 229,3 миллион доллар ёки жорий йил биринчи ярмидаги барча инвестицияларнинг деярли ярми. Кейинги ўринларда Чуй ва Жалолобод вилоятлари – мос равишда 96,6 миллион доллар ва 65,8 миллион доллар. Аутсайдерлар Норин ва Талас вилоятлари бўлиб, уларга хорижий инвестициялар оқимининг 1% дан камроғини тўғри келади.
