Анна Данилина ва Хелли Хелиеваара. livesport.ru сайти фотосурати
Қозоғистонлик Анна Данилина финляндиялик Ҳарри Хелиеваара билан аралаш жуфтлик баҳсларида АҚШ (US Open) 2023 ғолибига айланди.
Финалда Қозоғистон-Финляндия дуети америкалик Жессиcа Пегула/Остин Кражичек жуфтлигини 6:3, 6:4 ҳисобида мағлуб этди.
Бу теннис тарихида илк бор қозоғистонлик спортчининг аралаш жуфтлик баҳсларида «Катта дубулға» туркумига кирувчи турнирда ғалаба қозонишидир. Ҳелиеваара учун бу кубок ҳам ушбу турнирда биринчи бўлган.
«Бу Анна Данилинанинг «Катта дубулға» турниридаги илк ғалабаси ва Қозоғистон теннисининг навбатдаги муваффақиятилдир! Анна мамлакатимизнинг жуфтликдаги энг яхши ўйинчиси ва унинг ютуғи Данилина Қозоғистон терма жамоаси етакчиларидан бири бўладиган «Билли Жин Кинг кубоги» бўлажак жаҳон жамоавий чемпионатига ишонч билан қараш имконини беради.
Ўтган йили у Australian Open чемпионати финалида ўйнаган, аммо кейин, афсуски, у ва унинг шериги мағлуб бўлишганди. Тажриба, қатъият ва юқори ўйин савияси энди унга финляндиялик теннисчи Харри Хелиеваара билан бирга аралаш жуфтликларда энг яхши бўлишга имкон берди.
Аннанинг маҳорати ортиб бораётгани аниқ. Бу эса ҳозирги муваффақият охиргиси эмаслигига умид туғдиради ва уни ҳали олдинда кўплаб ғалабалар кутиб турибди», — дея Данилинанинг ғалабасини шарҳлади Қозоғистон теннис федерацияси президенти Булат Утемуратов.
Данилина «Катта дубулға» туркумига кирувчи учинчи қозоғистонлик аёл бўлди ва Қозоғистон ғазнасига ушбу турнирнинг тўртинчи унвонини келтирди. Аввалроқ, 2010 йили Ярослава Шведова америкалик Ваня Кинг билан тандемда Уимблдон ва US Open очиқ чемпионатининг аёллар ўртасидаги жуфтлик баҳсларида ғолиб чиққан эди. Яна бир ғалаба ўтган йили «Уимблдон»да аёллар ўртасидаги яккалик баҳсларида ғолиб чиққан Елена Рибакинага насиб этганди.
Анна Данилина Москвада туғилган. У 2011 йилдан бошлаб Қозоғистон терма жамоасида ўйнай бошлаган. Фаолияти давомида у тўртта WТА чемпиони ва жуфтлик баҳсларида бир марта WTA Challenger чемпионлигини қўлга киритган. У жуфтлик баҳсларида теннисчиларнинг кучли 10 талигидан жой олган.
