Башир Нурзай (чадан иккинчи) Қобулга келганидан сўнг. TOLOnews сайти фотосурати
АҚШ ҳукумати томонидан «Толибон»* радикал ҳаракатининг юқори мартабали аъзоси, АҚШда 20 йилга яқин қамоқда ўтирган Башир Нурзай (Bashir Noorzai) толиблар томонидан ўғирлаб кетилган америкалик муҳандис Марк Фрерихс (Mark Frerichs) нинг озод этилиши эвазига қамоқдан озод этилди. Бу ҳақда 19 сентябрь куни TOLOnews телеканали хабар берди. Нурзай Кобулга етиб келди.
Қобулга етиб келганидан сўнг ўтказилган йиғилишда нутқ сўзлаган Нурзайнинг айтишича, унинг Америка фуқароси Фрерихс билан алмашиши «Афғонистон ва Қўшма Штатлар ўртасидаги муаммоларни ҳал қилишга ёрдам беради».
Нурзай 1996-2001 йиллари «Толибон» Афғонистонда ҳокимиятни қўлга киритган ва 2001 йили АҚШ босқинидан кейин Мулла Умар йўқлиги пайтида Қандаҳорни бошқарган. 2001 йили уни ёллашади, шундан сўнг у махфий агент сифатида Қўшма Штатларга толиблар қуролларини, шу жумладан америкаликлар қидирган ПЗРК қуролларини топширади. 2005 йили у АҚШга 50 миллион долларлик героин олиб киришга уринганликда айбланган. У Нью-Йоркка кураторларининг хавфсизлиги таъминлаши кафолати билан судга келади, бироқ ҳибсга олинади ва умрбод қамоқ жазосига ҳукм қилинади. Нурзай қамоқ жазосини Гуантанамо қамоқхонасида ўтаган.
Муҳандис Марк Фрерихс 2020 йил январь ойида Хост вилоятида толиблар томонидан ўғирлаб кетилган. Федерал қидирув бюроси ва Давлат департаменти унинг қаерда эканлиги ҳақидаги маълумот учун 1 миллион ва 5 миллион доллар мукофот эълон қилади. Фрерихс АҚШ ҳарбий-денгиз кучларининг собиқ ғаввоси ва сўнгги ўн йил давомида Ироқ ва Судан каби можаро зоналарида маслаҳатчи-муҳандис сифатида ишлаган.
*«Толибон» ҳаракати РФ ва кўпгина давлатларда террорчи ташкилоти сифатида тан олинган ва тақиқланган (Россия қонунчилиги талаби бўйича изоҳлаб ўтамиз).
