Kun.uz сайти фотосурати
Ўзбекистонда 1 майдан бошлаб пенсия ва нафақалар миқдори 12 фоизга ошади. Президент Шавкат Мирзиёев шу ҳақда фармон имзолади.
Шу билан бирга, энг кам пенсия олувчи 725 минг нафар фуқаро 14 фоизга оширилади – тўловлар 440 минг сўмдан (39 доллар) 500 минг сўмга (44 доллар) ошади.
1 июндан бошлаб уруш қатнашчилари ва ногиронлиги бўлган шахслар, ёлғиз кексаларга ҳар ойда озиқ-овқат ва гигиена воситалари хариди учун уларнинг пенсия ва нафақаларига 270 минг сўм миқдорида устама тайинланади. Бундан ташқари, уларга кийим-кечак хариди учун ҳар йили 4 миллион сўмдан компенсация тўлаш тартибини жорий этилади.
Илгари ишламаган, лекин бугунги кунда “Саховат” қариялар уйида истиқомат қилаётган мингдан ортиқ кексаларга шу кунгача ҳеч қандай тўлов олмаган. Энди уларга шахсий ҳаражатлари учун — қарилик нафақасининг 20 фоизи миқдорида пул берилади.
Ҳозирги вақтда ногиронлик пенсиялари фуқароларнинг иш стажига ва иш ҳақига қараб ҳисоблаб чиқилади. Бу 75 мингдан ортиқ меҳнатга лаёқатли ногиронларга тааллуқлидир. Энди уларнинг пенсиялари ҳар икки йилда қайта ҳисоблаб чиқилади ва иш стажига ва иш ҳақига қараб оширилади. Бу мақсадлар учун ҳукумат томонидан 300 миллиард сўм (27 миллион долларга яқин) ажратилади.
