15 майдан бошлаб Uzbekistan Airways Бухоро-Истанбул-Бухоро йўналишида мунтазам қатновларни йўлга қўяди. Бу ҳақда авиакомпания матбуот хизмати хабар берди.
Парвозлар ҳафтасига икки марта — пайшанба ва якшанба кунлари амалга оширилади. Бухородан жўнаб кетиш вақти соат 09:45 да (кейинги ўринларда — маҳаллий вақт), Истанбулга етиб келиш — соат 12:25 га белгиланган. Истанбулдан жўнаб кетиш – соат 13:55 да, Бухорога келиш – соат 20:05 да.
Эслатиб ўтамиз, 1 апрель куни Uzbekistan Airways авиакомпанияси Самарқанд – Истанбул йўналиши бўйича илк халқаро рейсни амалга оширди. Компания Тошкентдан Истанбулга кунига икки марта йўловчиларни ташийди.
29 апрелдан бошлаб Uzbekistan Airways Тошкент-Париж-Тошкент йўналиши бўйича мунтазам қатновларни тиклайди. Парвозлар сешанба ва жума кунлари амалга оширилади.
