Зухриддин Қодиров. olympic.uz сайти фотосурати
Ўзбекистонлик қиличбоз Зухриддин Қодиров БААда ўтказилаётган қиличбозлик бўйича ўсмирлар ва кадетлар ўртасидаги жаҳон чемпионатида олтин медални қўлга киритди ва қиличбозлик бўйича жаҳон чемпиони унвонига сазовор бўлган биринчи республика вакилига айланди. Бу ҳақда Халқаро қиличбозлик федерациясининг расмий сайтида хабар берилган.
Финал йўлида Қодиров Канада, Миср, Венгрия ва АҚШдан келган рақибларини мағлуб этди. Ҳал қилувчи баҳсда ўзбекистонлик футболчи Германия вакили, ёшлар ўртасидаги 2020 йилги Европа чемпионати ғолиби Колин Хиткокдан 15:13 ҳисобида кучлироқ чиқди.
Бир кун аввал ўзбекистонлик Зайнаб Дайибекова жаҳон чемпионатида ярим финалда дунёнинг энг яхши ёш қиличбозларидан бири, америкалик Магда Скарбонкевичга имкониятни бой бериб, бронза медалини қўлга киритган эди.
15 ёшли Зухриддин Қодиров учун бу йирик мусобақалардаги иккинчи олтин: шу йилнинг февраль ойида у жамоавий баҳсларда ёшлар ўртасидаги Осиё чемпионати олтин медалини қўлга киритганди. Қодировнинг ғалабасини ҳақиқий сенсация деб аташ мумкин, чунки жорий йилнинг январь ойида Тбилисида бўлиб ўтган жаҳон чемпионатида у шахсий баҳсларда атиги 80-ўринни эгаллаган эди.
Ўтмишда энг муваффақиятли ўзбек қиличбозлиги СССР жамоаси таркибида 1980 йилги Олимпия ўйинларининг кумуш медалини қўлга киритган Собиржон Рўзиев бўлган. Шунингдек, Рўзиев икки марта СССР чемпиони, уч марта Европа кубоги соҳиби ва икки марта жаҳон чемпиони бўлган.
