Раъно Жўраева. Uzbekistan Airports матбуот хизмати фотосурати
Самарқанд аэропортининг янги терминали 1 апрелдан халқаро рейсларга хизмат кўрсата бошлайди. Бу ҳақда Биринчи Тошкент халқаро инвестиция форумидаги панел муҳокамаси чоғида Uzbekistan Airports акциядорлик жамияти бошқаруви раиси Раъно Жўраева маълум қилди.
«Ҳозир биз божхона ва чегара назорати, йўловчилар ва юкларни рўйхатга олиш учун янги ечимлар орқали ўтказиш имкониятини оширишга қодир бўлган, хизмат кўрсатиш технологияси жорий этилган аеровокзал мажмуасини фойдаланишга топширишни якунламоқдамиз. 1-апрелдан янги терминал тўлиқлигича ишлаб, халқаро қатновларга хизмат кўрсатади», — деди Раъно Жўраева.
Жўраева янги терминал қурилишини улкан, замонавий ва қайсидир маънода экспериментал лойиҳа деб атади. У 2019 йилдан амалга оширила бошланди.
«Энг юқори чўққи 2021 йилда келди. Энг қийини, аэропорт фаолиятини тўхтатмай туриб, аэродром ва аэровокзал қуриш эди. Аэродром мажмуаси очилишидан тахминан бир ой олдин парвозлар тўхтатилди. Ҳар биримизнинг ўз инвестиция дастуримиз бор эди. Давлат шеригида аэродром қуриш вазифаси, хусусий шерикда терминал бор эди. Умуман олганда, лойиҳа тахминан 150 миллион долларга тушди. 18 март куни том маънода очдик», — дея эслатди Раъно Жўраева.
Аввалроқ терминал қурилиши 80 миллион долларга тушгани хабар қилинганди. Лойиҳа Ўзбекистон авиация тарихидаги илк давлат-хусусий шериклик тўғрисидаги Air Marakanda хорижий компанияси ва и компанией Uzbekistan Airports ўртасидаги келишув доирасида амалга оширилган.
Терминал очиқ китоб шаклида қурилган. Унинг томида ҳаводан, айниқса, тунда қўнаётганда кўзга ташланадиган юлдуз туркумларидан иборат юлдуз харитаси мавжуд. Терминалнинг фойдаланишга топширилиши мунтазам рейслар сонини ҳафтасига 40 тадан 120 тагача ошириш имконини беради, перронни модернизация қилиш натижасида эса самолётлар тўхташ жойлари сони 24 тага кўпайди.
2030 йилга бориб Самарқанд аэропортидан йўналишлар сони 30 тадан ортиши кутилмоқда. Таққослаш учун: 2019 йилда бешта йўналиш бўйича парвозлар амалга оширилган.
