Бухоро вилояти ҳокимияти матбуот хизматининг фотосурати
4 март куни Бухоро шаҳрига Ўткир Жумаев ҳоким этиб тайинланди, деб хабар беради вилоят ҳокимиятининг матбуот хизмати. Жумаев бунга қадар Бухоро шаҳар ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари лавозимида ишлаб келган.
Аввалги шаҳар ҳокими Карим Камолов вилоят ҳокими Ўктам Барноевнинг бошқа лавозимга — Бош вазирнинг қишлоқ хўжалиги ва озиқ-овқат масалалари бўйича ўринбосари этиб тайинланганидан кейин вилоят раҳбари лавозимини эгаллаганди. Шу куни Бухоро вилоятининг Когон, Қоракўл ва Олот туманлари ҳокимлари ҳам ўзгарди.
